مدونة عهدونه

    أجمل ماسكات للوجه تفتيح وترطيب ونضارة أهلين بنات حبيت اليوم أكلمكم عن أفضل ماسكات جربتها وأعجبتني نتيجتها وحبيت أفيدكم بها، طبعا بصراحة أنا في البداية من فترة طويلة كنت أنظر للماسكات على أنها لحظية أو بالأصح مالها ذاك الفائدة يعني كنت مو مقتنعة فيها مرة، لكن في يوم قلت أجرب وأشوف ومن ضمن تجاربي انبهرت بثلاث ماسكات للوجه منهم اثنين ماسكات طبيعية للوجه، و واحد جاهز يعتبر خيار ممتاز كماسك جاهز وسهل وسريع، بس أحب أنبهكم بنات قبل تستخدمون أي ماسك أول شيء إذا بشرتكم فيها مشاكل جلدية أو حبوب أو متهيجة لأي سبب فلازم في الأول تعالجونها، وثاني شيء قبل ما تجربون أي شيء جربوا على جزء من البشرة إذا ما لاحظتوا احمرار أو حبوب أو أي علامات تحسس بإمكانكم وقتها تحطون على كامل الوجه. الماسكات نوعين نوع اللي أحنا نسويه في البيت بمكونات طبيعية وهو أنواعه كثيرة بإمكاننا نطبقها حسب اللي يناسبنا وحسب هدفنا من الماسك إذا هدفنا ترطيب فبإمكاننا ندخل الزيوت أو العسل ضمن المكونات، وإذا هدفنا تفتيح ندخل الخيار مثلا، وإذا هدفنا توحيد وتقشير فالقهوة خيار ممتاز وهكذا، حسب غرضنا نختار الماسك والأهم يناسب ب...

مفضلاتي من الصيدلية   أهلين بنات   تدوينة اليوم حبيت أكلمكم عن أفضل المنتجات اللي جربتها من الصيدلية وأعجبتني وكررتها أكثر من مرة. طبعا أنا أجرب وأشوف وإذا ناسبني شيء أبقى عليه ما أغير كثير، يعني أحب أجرب لكن مو بشكل كثير لا بين فترة وفترة كتغيير للمنتجات اللي عندي، لأن قد سبق وقرأت معلومة أنه إذا استمريت على منتج فترة طويلة ما عاد تستفيد منه البشرة أو الشعر فالأفضل نغير بين فترة وفترة، فصرت أغير لمنتج ثاني سواء لبشرتي أو شعري وإذا ناسبني أضفته إلى قائمة مفضلاتي، وكنصيحة انتبهوا كل ما تسمعون عن شيء وعلى طول تجربونه، الأفضل جربوا بين فترة وفترة شيء وأقرأوا عنه أكثر وممكن يناسب شخص وما يناسبك والعكس، فالأفضل تجربون شوي شوي إلى أن تلقون الشيء اللي يناسبكم وترتاحون عليه وتستمرون عليه ، لأن غالبا منتجات العناية بالبشرة لازم لها استمرار عشان تلقون نتيجة ترضيكم، أما مثلا جل الاستحمام ومعطرات الجسم في الغالب نحب نغير ونجدد. فحبيت أتكلم عن المنتجات اللي أعجبتني وكررتها كثير بالرغم أني من ذوات البشرة المختلطة والحساسة والمعرضة للأكزيما إلا إنها ما شاء الله ممتازة وجودتها ممتازة وأسعارها...