مشترياتي الأخيرة من الماجد للعود

السلام عليكم ورحمة الله وبركاته

أهلين بنات

أسعد الله أوقاتكم بالخير والمسرات

ما يخفى عليكم الماجد للعود اسم بارز في عالم العطور الشرقية والعود والبخور، ومن سنين اشتري منه مو أول مرة لكن اليوم بإذن الله بخبركم عن منتجات أكررها دايم وأساسية بالنسبة لي لازم تكون عندي وأيضا منتجات جديدة حبيت أجربها، طبعا بحكم إني جربت أشياء كثيرة من عندهم راح أتكلم لكم اليوم عن جزء منها اللي خلصت من عندي ولازم تكون عندي وجزء جديد جربته بقول لكم رأيي فيه، طلبت هذه المجموعة وحبيت استغل واستفيد من موسم التخفيضات وأضمها إلى قائمة مشتريات رمضان،  شيء حلو تخفيضات الماجد للعود بنص السعر وجودتهم ممتازة وروائح مميزة ومنوعة.

في البداية بكلمكم عن سرعة التوصيل ما شاء الله خلال ثلاث ساعات جهز الطلب وتم التوصيل، خدمة ممتازة وحلو كخيار ممتاز لو حابين تهدون أحبابكم في مناسبة مفاجئة يعتبر الماجد خيار مميز كهدية وتوصيل سريع وخدمة ممتازة، ويرفقون معها كيس مرتب لو حابين تهدون ينفع كهدية أنيقة.

بعد كذا بكلمكم عن التغليف كان محافظ على الأغراض من أنها تنكسر أو تنخدش وهذا الشيء مهم جدا، ويعبرعن جودة توصيل عالية وتطلبون وأنتوا مرتاحين أنه بإذن الله بتوصلوكم سليمة.

هذا التغليف مثل ما تشوفون حوله وحواليه من فوق وتحت، وكمان حطوا عينة مجانية كهدية وكتجربة نتعرف على بعض المنتجات شيء حلو حبيت.

 راح أبدا معكم بالمنتجات اللي سبق وجربتها وأكثر من مرة أكررها:

1- عطر سكون2

اعتقد واضح لكم وش كثر عاجبني، جدا جميل ومميز وفواح واعتقد يصلح للجنسين، نمطه غريب مو شرقي بحث لا غريب ومميز، بالرغم أنه يميل للعطور الثقيلة إلا أنه ما يصدع ما شاء الله جميل جدا و أحلى عطر بالنسبة لي ممكن تشمونه عند الماجد للعود، وسعره الأساسي 162 ومع الخصم 50% تقدرون تاخون اثنين كأنها بسعر عطر واحد، وإذا حابين تاخذون واحد يصير بنص القيمة 81.

2- عطر مرسال

واضح أنه مفضل طلبت اثنين من غير العلب اللي سبق وخلصتهم، رائحته هادئة و مو مزعجة وتصبب صداع لا أبدا خفيفة، اممم أصنفه أنا أنه عطر شرقي لكن مو ثقيل بالعكس خفيف، ولما ترشونه على اللبس ويبرد يصير هادئ وحلو كثير، سعره الأساسي 138.

الحين بحكيكم عن منتجات حبيت أجربها وجربتها خلال أسبوع وبقول لكم رأيي فيها :

1- عطر سكون2 للجسم

عطر سكون2 يجنن وعاجبني مره فقلت خليني أجرب الخاص بالجسم، حلو نفس الرائحة بالضبط لأن بعض العطور تكون مختلف المركزة منها عن التابعة لها الخاصة بالجسم يكون فيه اختلاف، لكن هذا لا نفس الرائحة بس أخف حدة وهادئ كأنه مخفف شوي وهذا الشيء يعتبر ميزة حلوة عشان ما يكون مزعج، جدا جدا مميز أنصحكم فيه، سعره الأساسي 104 وبعد الخصم أخذته ب 52.

2- بخور البيت

قد سبق وجربت كثير من بخور الماجد أنواع كثيرة كلها روعة (بإذن الله يوم ما أحكيكم عنها وأفيدكم فيها لكن اليوم راح أقتصر على المشتريات) والعود أكيد بيكون مميز عندهم، سمعت عنه وناس أعرفهم جربوه ومدحوه وحبيت أجربه، حلو كسريع فعلا وتنويع عن البخور المعتاد للبيت (كنصيحة وتنبيه دائما إذا بخرتوا بأي نوع بخور اتركوا المكان فيه تهوية الأبواب مفتوحة والشبابيك وعطروا بأي عطر وحبذا شرقي أو معطرات الجو عشان تثبت رائحة البخور ومنها ما يتسبب في كتمة المكان)، حبيته كخيار سريع ورائحته حلوة، سعره الأساسي 70 وبعد الخصم أخذته ب35.

3- زعفران

الزعفران كثير صار فيه غش للأسف، وله فوائد كثيرة وكنت حابه أنه الاقي شيء أصلي أقدر استخدمه وأنا مرتاحة، وخلال تجولي في موقع الماجد للعود اشتري عطوري اللي أبغاها لقيت هذا الزعفران ولقيت تعليق يمدحه، لقيت سعره بعد الخصم 23 لجرامين، فقلت خليني أجربه وأشوف، صراحة لونه واضح مرة ،أعجبني كأول تجربه لأن اللون واضح وأحس جودته ممتازة ونظيف.

كانت هذي آخر مشترياتي من الماجد للعود واستغلوا موسم التخفيضات راح تفيدكم كثير، وجربوا الأشياء اللي طلبتها وقولوا لي رأيكم، وإذا جربتوا شيء من عندهم أفيدوني.

إلى اللقاء في تدوينات أخرى بإذن الله، وأتمنى لو أفدتكم ولو بشيء بسيط.

أستودعكم الله.